ព័ត៌មានអន្តរជាតិ ៖ ឧទ្ធម្ភាគចក្រវាយប្រហារ Apache របស់កងទ័ពសហរដ្ឋអាមេរិក បានធ្លាក់កាលពីព្រឹកថ្ងៃអង្គារ នៅក្បែរច្រកសមុទ្រ Hormuz ខណៈលោកប្រធានាធិបតី ដូណាល់ ត្រាំ បញ្ជាក់ថា សមាជិកពីឡុត ២ នាក់មានសុវត្ថិភាពទេ។ ទោះជាយ៉ាងណា មូលហេតុដែលបណ្តាលឱ្យធ្លាក់នៅតែមិនទាន់ដឹងច្បាស់នៅឡើយ ស្របពេលភាពច្របូកច្របល់កើនឡើង បន្ទាប់ពីអ៊ីរ៉ង់ និងអ៊ីស្រាអែលបាញ់ប្រហារសងសឹកគ្នា ដែលជាការវាយប្រហារដ៏ធំបំផុតមិនធ្លាប់មាន។ ប្រព័ន្ធផ្សព្វផ្សាយរដ្ឋអ៊ីរ៉ង់ ដោយពឹងផ្អែកលើរបាយការណ៍បរទេស ក៏បានទទួលដំណឹងពីការធ្លាក់នេះផងដែរ តែមិនបានបញ្ជាក់លម្អិតនោះទេ។ ចាប់តាំងពីសហរដ្ឋអាមេរិក និងអ៊ីស្រាអែលបានចាប់ផ្តើមវាយប្រហារអ៊ីរ៉ង់នៅថ្ងៃទី ២៨ ខែកុម្ភៈ សង្គ្រាមនេះបានធ្វើឱ្យសេដ្ឋកិច្ចពិភពលោករង្គោះរង្គើ…
Category: ព័ត៌មានអន្តរជាតិ
ការផ្ទុះឧស្ម័ននៅ អណ្តូងរ៉ែធ្យូងថ្មមួយ ក្នុងខេត្តសានស៊ី ភាគខាងជើងប្រទេសចិន បានសម្លាប់មនុស្ស យ៉ាងហោចណាស់ ៨២នាក់
ព័ត៌មានអន្តរជាតិ ៖ ទីភ្នាក់ងារសារព័ត៌មានរដ្ឋស៊ីនហួ បានរាយការណ៍នៅថ្ងៃសៅរ៍នេះថា ការផ្ទុះឧស្ម័ននៅអណ្តូងរ៉ែធ្យូងថ្មមួយក្នុងខេត្តសានស៊ីភាគខាងជើងប្រទេសចិន បានសម្លាប់មនុស្សយ៉ាងហោចណាស់ ៨២នាក់។ ការផ្ទុះនេះបានកើតឡើង កាលពីល្ងាចថ្ងៃសុក្រ នៅអណ្តូងរ៉ែធ្យូងថ្ម Liushenyu ក្នុងស្រុក Qinyuan ជាកន្លែងដែលមានកម្មករចំនួន ២៤៧ នាក់ ស្ថិតនៅក្រោមដីនៅពេលកើតហេតុ។ ក្រុមឆ្លើយតបបន្ទាន់ នៅតែត្រូវបានដាក់ពង្រាយនៅកន្លែងកើតហេតុ ខណៈដែលកិច្ចខិតខំប្រឹងប្រែងបន្តជួយសង្គ្រោះកម្មករដែលបាត់ខ្លួន និងវាយតម្លៃពីវិសាលភាពពេញលេញនៃសោកនាដកម្មនេះ។ ការស៊ើបអង្កេតក៏ត្រូវបានចាប់ផ្តើម ជុំវិញគ្រោះមហន្តរាយនេះផងដែរ។ លោកប្រធានាធិបតី ស៊ី ជីនពីង បានអំពាវនាវឱ្យមានកិច្ចខិតខំប្រឹងប្រែងជួយសង្គ្រោះយ៉ាងពេញទំហឹងសម្រាប់អ្នកដែលបាត់ខ្លួន និងការព្យាបាលជាបន្ទាន់សម្រាប់អ្នករងរបួស។ លោកក៏បានបញ្ជាឱ្យមានការស៊ើបអង្កេតយ៉ាងហ្មត់ចត់អំពីមូលហេតុនៃគ្រោះមហន្តរាយនេះ…
កិច្ចចរចាជុំថ្មីមួយរវាង អាមេរិក-អ៊ីរ៉ង់ អាចបន្តឡើងវិញ នៅសប្តាហ៍ក្រោយ នៅទីក្រុងអ៊ីស្លាម៉ាបាដ ប៉ាគីស្ថាន
អន្តរជាតិ ៖ កាសែត The Wall Street Journal (WSJ) បានរាយការណ៍ដោយដកស្រង់ប្រភពថា កិច្ចចរចាជុំថ្មីមួយរវាងទីក្រុងវ៉ាស៊ីនតោន និងទីក្រុងតេអេរ៉ង់ អាចនឹងធ្វើឡើងនៅទីក្រុងអ៊ីស្លាម៉ាបាដ នាសប្តាហ៍ក្រោយ។ យោងតាមរបាយការណ៍ បានឱ្យដឹងថា សហរដ្ឋអាមេរិក និងអ៊ីរ៉ង់កំពុងធ្វើការជាមួយអ្នកសម្របសម្រួលដើម្បីព្រាងអនុស្សរណៈនៃការយោគយល់គ្នា ដែលនឹងគូសបញ្ជាក់ពីលក្ខខណ្ឌនៃការចរចារយៈពេលមួយខែ ដើម្បីបញ្ចប់សង្គ្រាម។ របាយការណ៍ដដែល បានកត់សម្គាល់ថា កិច្ចចរចាអាចបន្តនៅអ៊ីស្លាម៉ាបាដ នាដើមសប្តាហ៍ក្រោយនេះ។ កាលពីថ្ងៃសុក្រ ប៉ុស្តិ៍ទូរទស្សន៍ Al Arabiya របស់អារ៉ាប៊ីសាអូឌីត ក៏បានរាយការណ៍ ដោយដកស្រង់ប្រភពការទូតមួយថា…
កងទ័ពអាមេរិក ប្រមាណ ១៥.០០០នាក់ ចូលរួមក្នុងប្រតិបត្តិការ ជម្លៀសកប៉ាល់ជាប់គាំង ពីច្រក Hormuz ដែលគ្រប់គ្រងដោយ កងកម្លាំងប្រដាប់អាវុធរបស់អ៊ីរ៉ង់
ព័ត៌មានអន្តរជាតិ ៖ កងទ័ពអាមេរិកប្រមាណ ១៥.០០០ នាក់ រួមទាំងនាវាពិឃាត និងយន្តហោះជាង ១០០ គ្រឿងនឹងចូលរួមក្នុងប្រតិបត្តិការ “Project Freedom” ដើម្បីរំដោះកប៉ាល់ដែលត្រូវបានរារាំងនៅក្នុងច្រកសមុទ្រ Hormuz ដោយសារតែជម្លោះយោធារវាងសហរដ្ឋអាមេរិក និងអ៊ីរ៉ង់។ នេះបើយោងតាមបញ្ជាការកណ្តាលសហរដ្ឋអាមេរិក (CENTCOM)។ CENTCOM បានបញ្ជាក់នៅក្នុងសេចក្តីថ្លែងការណ៍មួយថា ការគាំទ្រផ្នែកយោធារបស់សហរដ្ឋអាមេរិកចំពោះប្រតិបត្តិការ “Project Freedom” នឹងរួមមាននាវាពិឃាតបំពាក់មីស៊ីល, យន្តហោះចម្បាំងដែនគោក និងសមុទ្រជាង ១០០ គ្រឿង និងបុគ្គលិកយោធាចំនួន ១៥.០០០ នាក់។…
ជន្លៀសលោកប្រធានាធិបតី ត្រាំ និងលោកស្រីទីមួយ Melania Trump បន្ទាប់ពីឮសម្លេងផ្ទុះ
ព័ត៌មានអន្តរជាតិ ៖ យោងតាមប្រភពព័ត៌មានបរទេស លោកប្រធានាធិបតី ត្រាំ និងលោកស្រីទីមួយ Melania Trump ត្រូវបានភ្នាក់ងារសម្ងាត់ នាំចេញពីកម្មវិធីជប់លៀងរបស់សមាគមអ្នកឆ្លើយឆ្លងព័ត៌មានប្រចាំសេតវិមានយ៉ាងប្រញាប់ប្រញាល់ កាលពីយប់ថ្ងៃសៅរ៍ បន្ទាប់ពីមានសំឡេងផ្ទុះដែលគេមិនទាន់អាចកំណត់បាន។ នេះបើតាមការផ្សាយរបស់រ៉យទ័រ ។ ជំនួយការសេតវិមានម្នាក់បាននិយាយប្រាប់ទីភ្នាក់ងារសារព័ត៌មានអង់គ្លេសរ៉យទ័រថា : លោក ត្រាំ មានសុវត្ថិភាពហើយ។ គេបានឮសំឡេងផ្ទុះខ្លាំងៗពី ៤ ទៅ ៦ លើកនៅក្នុងសណ្ឋាគារ ប៉ុន្តែមិនស្ថិតនៅក្នុងបរិវេណផ្ទាល់នៃកន្លែងជប់លៀងនោះទេ។ អ្នកចូលរួមក្នុងកម្មវិធីជប់លៀងបានឈប់ជជែកគ្នានៅពេលនោះភ្លាមៗ ហើយមនុស្សម្នាបានចាប់ផ្ដើមស្រែកថា «ក្រាបចុះ! ក្រាបចុះ!»។…
ប្រទេសអ៊ីរ៉ង់ ប្តេជ្ញាប្ដូរផ្ដាច់ គ្រប់គ្រងច្រកសមុទ្រ Hormuz មិនឱ្យរបូតទៅ ប្រទេសដទៃទេ
អន្តរជាតិ ៖ អ្នកនយោបាយជាន់ខ្ពស់អ៊ីរ៉ង់ម្នាក់ បាននិយាយថា អាជ្ញាធរក្រុងតេហេរ៉ង់ ត្រៀមខ្លួនរួចជាស្រេចក្នុងការការពារសិទ្ធរបស់ខ្លួនលើការគ្រប់គ្រងច្រកសមុទ្រ Hormuz ដែលកំពុងរង្គោះរង្គើ។ លោក Ebrahim Azizi អតីតមេបញ្ជាការនៅក្នុងកងឆ្មាំបដិវត្តន៍អ៊ីស្លាមអ៊ីរ៉ង់ (IRGC) បានប្រាប់ឱ្យដឹងថា វាជាសិទ្ធិដែលមិនអាចកាត់ផ្តាច់បានរបស់យើង។ អ៊ីរ៉ង់នឹងសម្រេចចិត្តលើសិទ្ធិឆ្លងកាត់ រួមទាំងការអនុញ្ញាតវិធានការផ្សេងៗសម្រាប់នាវាដែលឆ្លងកាត់ច្រកសមុទ្រនេះ។ ទន្ទឹមនោះ លោកបានបន្ថែមថា អ៊ីរ៉ង់ ក៏ខិតជិតក្នុងការចែងច្បាប់ សម្រាប់ច្រកសមុទ្រពាណិជ្ជកម្មដ៏សំខាន់នេះផងដែរ។ យោងតាមលោកបន្តថា យើងកំពុងដាក់សេចក្តីព្រាងច្បាប់មួយទៅសភា ដោយផ្អែកលើមាត្រា ១១០ នៃរដ្ឋធម្មនុញ្ញ…
ប្រធានាធិបតីអាមេរិក លោក ដូណាល់ ត្រាំ ធានាថា ការដឹកជញ្ជូនទំនិញ តាមច្រក Hormuz នឹងបើកធម្មតាវិញ ពេលសង្គ្រាមចប់
អន្តរជាតិ ៖ ប្រធានាធិបតីអាមេរិក លោក ដូណាល់ ត្រាំ បាននិយាយថា ការដឹកជញ្ជូនទំនិញតាមច្រកសមុទ្រ Hormuz នឹងត្រូវបានស្តារឡើងវិញយ៉ាងពេញលេញ បន្ទាប់ពីជម្លោះជាមួយអ៊ីរ៉ង់បានបញ្ចប់ ព្រោះទីក្រុងតេអេរ៉ង់ ក៏ត្រូវការនាំប្រេងចេញដែរ។ មេដឹកនាំអាមេរិករូបនេះ បានលើកឡើង ក្នុងអំឡុងពេលថ្លែងសុន្ទរកថាតាមទូរទស្សន៍ថា នៅពេលដែលជម្លោះនេះចប់ ច្រកសមុទ្រ Hormuz នឹងបើកឡើងវិញជាធម្មតា។ លោក ត្រាំ បានបន្ថែមថា អ៊ីរ៉ង់ ត្រូវការនាំប្រេងចេញ ដើម្បីសេដ្ឋកិច្ចទាំងមូល ហើយពួកគេនឹងឆ្លងកាត់ច្រក Hormuz ដូច្នេះច្រកនេះនឹងត្រូវបើកឡើងវិញ ហើយពេលនោះតម្លៃនឹងធ្លាក់ចុះយ៉ាងរហ័ស។…
តម្លៃប្រេងសកលហក់ឡើង នៅថ្ងៃនេះ ដោយសារវិបត្តិនៅអ៊ីរ៉ង់ រំខានដល់ការផ្គត់ផ្គង់ ទោះជាយ៉ាងណា លោក ត្រាំ ប្ដេជ្ញានឹងធ្វើឱ្យ សង្វាក់សេដ្ឋកិច្ចតាមសមុទ្រ ដំណើរការធម្មតា
អន្តរជាតិ ៖ តម្លៃប្រេងបានកើនឡើងជាង ១ដុល្លារ នៅថ្ងៃពុធនេះ ខណៈសង្គ្រាមរវាងសហរដ្ឋអាមេរិក និងអ៊ីស្រាអែលលើអ៊ីរ៉ង់ បានរំខានដល់ការផ្គត់ផ្គង់នៅមជ្ឈិមបូព៌ា។ ប្រេងប្រភេទ Brent បានកើនឡើង ១,១១ ដុល្លារ ឬ ១,៤ ភាគរយ ស្មើនឹង ៨២,៥៣ ដុល្លារក្នុងមួយបារ៉ែល។ ប្រេងឆៅប្រភេទ West Texas Intermediate របស់សហរដ្ឋអាមេរិក បានកើនឡើង ៧៩ សេន ឬ ១,១…
កណ្តាលរដ្ឋធានីអ៊ីរ៉ង់ ត្រូវបានកងកម្លាំងអ៊ីស្រាអែល វាយប្រហារ បណ្តាលឲ្យរងការខូចខាតធ្ងន់ធ្ងរ
អន្តរជាតិ ៖ ខណនេះ សហរដ្ឋអាមេរិក និងអ៊ីស្រាអែល បាននិងកំពុងពង្រីកការវាយប្រហាររបស់ពួកគេប្រឆាំងនឹងអ៊ីរ៉ង់។ ទន្ទឹមនោះ អ៊ីស្រាអែលបានអះអាងថា ខ្លួនបានធ្វើការវាយប្រហារជាបន្តបន្ទាប់ទៅលើមេដឹកនាំរបបនេះ ដោយវាយប្រហារទៅលើទីតាំងនានានៅក្នុងរដ្ឋធានីតេអេរ៉ង់។កងកម្លាំងការពារជាតិអ៊ីស្រាអែលនិយាយថា ពួកគេបានវាយប្រហារការិយាល័យប្រធានាធិបតី ក្រុមប្រឹក្សាសន្តិសុខជាតិជាន់ខ្ពស់ និងអគារប្រព័ន្ធផ្សព្វផ្សាយដែលគ្រប់គ្រងដោយរដ្ឋ។ ទីបញ្ជាការកណ្តាលសហរដ្ឋអាមេរិកនិយាយថា មកដល់ពេលនេះខ្លួនបានវាយប្រហារគោលដៅជាង ១៧០០ ក្នុងរយៈពេល ៧២ ម៉ោងដំបូងនៃការប្រយុទ្ធគ្នាជាមួយអ៊ីរ៉ង់។ ទីភ្នាក់ងារសារព័ត៌មាន Tasnim របស់អ៊ីរ៉ង់ ដែលមានទំនាក់ទំនងជាមួយកងឆ្មាំបដិវត្តន៍អ៊ីស្លាមរបស់ប្រទេសនេះ បាននិយាយថា ទីតាំងមួយនៅក្នុងទីក្រុង Qom ភាគកណ្តាលក៏ត្រូវបានវាយប្រហារផងដែរ។ អឌ្ឍចន្ទក្រហមបានបញ្ជាក់ថា មនុស្ស…
លោកប្រធានាធិបតីអាមេរិក លោក ដូណាល់ ត្រាំ បញ្ជាក់ជាថ្មីថា ក្រុមប្រឹក្សាសន្តិភាព មិនផ្តោតតែតំបន់ហ្គាហ្សាទេ គឺរួមទាំងតំបន់ក្តៅផ្សេងទៀត
ក្រៅពីតំបន់ហ្គាហ្សា ក្រុមប្រឹក្សាសន្តិភាព ក៏នឹងដោះស្រាយជម្លោះផ្សេងទៀតនៅទូទាំងពិភពលោកផងដែរ។ នេះបើយោងតាមប្រធានាធិបតីអាមេរិក លោក ដូណាល់ ត្រាំ បាននិយាយក្នុងអំឡុងពេលកិច្ចប្រជុំលើកដំបូងរបស់ក្រុមប្រឹក្សានេះ។ លោកប្រធានាធិបតីអាមេរិក លោក ដូណាល់ ត្រាំ បានលើកឡើងថា យើងនឹងធ្វើឱ្យតំបន់ហ្គាហ្សាទទួលបានសន្តិភាពពេញលេញ និងមានសុវត្ថិភាព ហើយយើងក៏ប្រហែលជានឹងបោះមួយជំហានទៀត ទៅរកការដោះស្រាយចំណុចក្តៅនៅជុំវិញពិភពលោកផងដែរ។ យើងនឹងស្វែងរកសន្តិភាពគ្រប់ទីកន្លែង។ ក្រៅពីនេះ លោក ត្រាំ បាននិយាយថា ក្រុមប្រឹក្សាសន្តិភាពនឹងធ្វើការជាមួយអង្គការសហប្រជាជាតិ ដែលនឹងនាំឱ្យមានភាពប្រសើរឡើង។ ថ្លែងទៅកាន់អ្នកចូលរួមនៃកិច្ចប្រជុំ លោក ត្រាំ ក៏បានបញ្ជាក់ថា ទីក្រុងវ៉ាស៊ីនតោន…